India experience 2008 travel blog

Unser bescheides Huettli im Dschungel

Warme See vor dr Hoehli

Dae hett umsvrregge e Fisch welle fange mit siner Harpune

Isch wirklig schtoggdunggel gsi in dr Hoehli, wow

Amy und ich in unserem Fortbewegigsmittel :o)

Segnig bi dr Zeremonie


Ah, isch e freie Daag herrlig ! Tatsaechlig koenne usschlofe will die andere alli aneme Usflug teilgno haenn. Mir 4 haenn unsere Daag saelber gschtaltet, kraeftig zmoergelet, gueti Schueh aglegt und sin ufbroche in Richtig Hoehle (Tham Lot Kong Lo Cave). Isch nid heiss gsi, neinei. D'Abkuergzig quer ueber d'Riisfaelder isch sehr glaege ko. Biz Bewegig duet jo guet nach daem ville Sitze im Bus. Unser erschts Ziil haemmer nach ca. einere Schtund erreicht: E herrlig kuehle See vorem Ygang zur Hoehli. Sofort e Wettrenne gmacht waer zerscht dinn isch, hihi. Herrligi Abkuehlig inkl. Vogelgezwitscher, gequake, Grille und andere Tierlut, ansunschte absoluti Schtilli !! Haenns uns nid lo nae, trotzdaem saelbschtaendig e Boottour durch d'Hoehlene zbueche. Wow, isch das e Erlaebnis gsi ! Waege dr Schtroemig und wenig Wasser haemmer all paar Minute miesse usschtiige und s'Boot luepfe/zieh. Isch z.T. sehr schteil duruf gange wenn mr usgschtiige sin und ha mr einigi Blootere an de Fiess zuezooge, aber das Abentuer hett sich absolut glohnt !

Zoobe haemmer e Laotischi Zeremonie doerfe miterlaebe! Dr Zeremoniemeischter hett voller Enthusiasmus vor sich hi plapperet, natuerlig hanni kei Wort vrschtande, aber e Laechle hilft immer witer. Diversi Aessware (e tots Huehn, Eier, Riis, Banane und e Schnaps,uaaa hett dae brennt) sin vrteilt worde (ha no nie e hartkochts Ei mit 8 Luet teilt...) und ein/eini nach dr andere isch gseegnet worde. Haenn jetzt alli diversi wissi Baendeli um s Handglaengg beko, was e gwuessi Gruppedynamik vrmittlet hett. Sinn aeml alli sehr bewegt gsi nach daem Erlaebnis.

Abgschlosse haemmer dae tolli Daag rund um e Lagerfuer, wo alli ihri Geischtergschichte zum Beschte gae haenn, uaaa. Sehr unheimligi Schtimmig hett sich vrbreitet in dr Schtilli vo dr Nacht. Grad im richtige Momaent haenn mini liebe Eltere uf mi Natel agluete und mir haenn wie us eim Muul alli ufgschraue will mr mega vrschrogge sin, hihi.

Entry Rating:     Why ratings?
Please Rate:  
Thank you for voting!
Share |